سپریم کورٹ کے چیف جسٹس قاضی فائز عیسیٰ کے بعد چیف جسٹس پاکستان کا منصب جسٹس اعجاز الاحسن کے بجائے جسٹس منصور علی شاہ سنبھالیں گے۔

سپریم کورٹ آف پاکستان کے سینئرجج جسٹس اعجاز الاحسن بھی اپنے عہدے سے مستعفی ہوگئے، انہوں نے اپنا استعیٰ صدر مملکت کو بھجوادیا۔

جسٹس اعجازالاحسن سپریم کورٹ کی سنیارٹی لسٹ میں تیسرے سینئر ترین جج تھے جبکہ سنیارٹی لسٹ میں دوسرا نمبر جسٹس سردار طارق مسعود کا ہے۔

سپریم کورٹ کے اگلے چیف جسٹس کے لیے جسٹس اعجازالاحسن کا نام سب سے اوپر تھا، موجودہ چیف جسٹس قاضی فائز عیسیٰ کی ریٹائرمنٹ کے بعد رواں سال اکتوبر 2024 میں انہیں ملک کا آئندہ چیف جسٹس بننا تھا اور اگست 2025 میں ان کی ریٹائرمنٹ ہونا تھی۔

جسٹس اعجازالاحسن کے استعفے کے بعد جسٹس منصورعلی شاہ آئندہ چیف جسٹس پاکستان ہوں گے۔

جسٹس اعجاز الاحسن مسلم لیگ (ن) کے قائد نواز شریف کے خلاف پاناما کیس میں مانٹرینگ جج رہے ہیں، وہ جون 2016 میں سپریم کورٹ کے جج تعینات ہوئے تھے۔

ایسے میں یہ بات اہم ہے کہ آئندہ برسوں میں چیف جسٹس کے منصب پر کون سے جج صاحبان فائز ہوں گے۔

کسی بھی مقدمے پر بینچ تشکیل کرنے میں چیف جسٹس کا کلیدی کردار ہوتا ہے۔ اس کے علاوہ از خود نوٹس لینے کا اختیار بھی چیف جسٹس کا ہے۔ عدلیہ میں اصطلاحات کا تعلق بھی انہی سے جڑا ہے۔ لہذا چیف جسٹس کے منصب پر فائز جج صاحب غیرمعمولی اہمیت رکھتے ہیں۔

موجودہ چیف جسٹس عمر عطا بندیال رواں برس 17 ستمبر کو ریٹائر ہو جائیں گے۔ یعنی ان کی مدت میں 7 ماہ رہ گئے ہیں۔ وہ پاکستان کے 28 ویں چیف جسٹس ہیں۔

ان کے بعد جسٹس قاضی فائزعیسی چیف جسٹس آف پاکستان کا عہدہ سنبھالیں گے۔ جسٹس فائزعیسی اپنے بعض فیصلوں کے حوالے سے شہرت رکھتے ہیں۔ تاہم ان کا دور بہت مختصر ہوگا۔ وہ 25 اکتوبر 2024 کو ریٹائر ہو جائیں گے۔

جسٹس فائز عیسیٰ کے بعد جسٹس اعجاز الاحسن چیف جسٹس بنیں گے اور چار اگست 2025 تک اس منصب پر رہیں گے۔

ان کے بعد جسٹس منصور علی شاہ چیف عدلیہ کی سربراہی سنبھالیں گے اور 27 نومبر 2027 کو ریٹائر ہوں گے۔

جسٹس منیب اختر نومبر 2027 سے 13 دسمبر 2028 تک چیف جسٹس رہیں گے۔

جسٹس یحییٰ آفریدی ان کے بعد آئیں گے اور 22 جنوری 2030 تک چیف جسٹس رہیں گے۔ وہ 33ویں چیف جسٹس ہوں گے۔

پاکستان کی پہلی خاتون چیف جسٹس عائشہ ملک ہوسکتی ہیں جو جنوری 2030 میں عدلیہ کی سربراہی سنبھالیں گی۔

پاکستان کی سپریم کورٹ میں کسی بھی جج کے چیف جسٹس بننے یا نہ بننے کا انحصار ان کی سنیارٹی اورعمر پر ہے۔ ججوں کی ریٹائرمنٹ کی عمر 65 برس ہے۔

سنیارٹی کا شمار سپریم کورٹ میں تقرر کی تاریخ سے ہوتا ہے۔ 65 برس سے کم عمر سینئر ترین جج کو چیف جسٹس بنایا جاتا ہے۔ اس کے بعد بطور چیف جسٹس ان کے دورانیے کا تعین جج صاحب کی عمر سے ہوتا ہے۔