پتوکی میں نیشنل ہائی وے پر شدید دھند کے باعث 14 گاڑیاں آپس میں ٹکرا گئیں جس کے نتیجے میں ایک شخص جاں بحق جب کہ 12 افراد شدید زخمی ہوگئے۔

نیشنل ہائی وے پر شدید دھند کے باعث بھونیکی موڑ اور پھولنگر میں 14 گاڑیاں آپس میں ٹکرا گئیں جس کے بعد ایک گاڑی میں آگ بھی بھڑک اٹھی، حادثے میں ایک شخص جاں بحق جب کہ 12 افراد شدید زخمی ہوئے۔

ریسکیو کی امدادی ٹیموں نے موقع پر پہنچ کر زخمیوں کو طبی امداد کے اسپتال منتقل کردیا۔

ریسکیو ذرائع کے مطابق جاں بحق شخص کی شناخت اکرم کے نام سے ہوئی جب کہ زخمیوں میں عبدالرحمن ،مجاہد، پرویز، ناصر، شہنواز، رفاقت اور دیگر شامل ہیں۔

یہ بھی پڑھیں:

پنجاب اور خیبرپختونخوا میں شدید دھند، موٹرویز بند

شدید دھند کے باعث لاہور جانیوالی پروازیں اور ٹرینوں میں تاخیر، موٹرویز بھی بند

ڈی ایس پی موٹر وے شوکت علی چنگیزی کا کہنا ہے کہ حدنگاہ صفر اور روڈ پر پھسلن کی وجہ سے حادثات ہورہے ہیں، ڈرائیور تیز رفتاری سے گریز اور غیر ضروری سفر سے اجتناب کریں۔