نیوزی لینڈ کے خلاف 5 ٹی ٹؤنٹی میچز کی سیریز کے لیے قومی سلیکشن کمیٹی کی لاہور میں بیھٹک ہوئی، جس میں ممکنہ کھلاڑیوں کا کیمپ لاہور میں لگانے کا فیصلہ کرلیا گیا۔

نیشنل کرکٹ اکیڈمی لاہور میں چیف سلیکٹر وہاب ریاض کی سربراہی میں قومی سلیکشن کمیٹی نے ایک بار پھر سر جوڑ لیے۔

اجلاس میں سلیکشن کمیٹی کے ممبران توصیف احمد، وجاہت اللہ واسطی، وسیم حیدر کے علاوہ کنسلٹنٹ راؤ افتخار انجم شریک ہوئے۔

اجلاس میں نیوزی لینڈ کے خلاف 5 ٹی ٹوئنٹی میچز کی سیریز کے لیے ابتدائی مشاورت کی گئی۔

کمیٹی کا اجلاس جمعہ کے روز دوبارہ ہوگا، جس میں کنسلٹنٹ کامران اکمل بھی شریک ہوں گے۔

ممکنہ کھلاڑیوں کا انتخاب کرکے نیشنل کرکٹ اکیڈمی لاہور میں تربیتی کیمپ لگایا جائے گا جبکہ پاک نیوزی لینڈ سیریز 12 جنوری سے شروع ہو گی۔