لاہور کی انسدادِ دہشت گردی عدالت نے 9 مئی جلاؤ گھیراؤ کے 3 مقدمات میں پاکستان تحریک انصاف کے رہنماؤں میاں اسلم اقبال، حماد اظہر، مراد سعید سمیت دیگر ملزمان کو اشتہاری قرار دے دیا۔

انسداد دہشت گری لاہور کی خصوصی عدالت کی جج عبہر گل خان نے 9 مئی جلاؤ گھیراؤ کے 3 مقدمات میں پولیس کی درخواستوں پر سماعت کی۔

عدالت نے پاکستان تحریک انصاف کے رہنما میاں اسلم اقبال، حماد اظہر سمیت دیگر ملزمان کو اشتہاری قرار دے دیا۔

دیگر ملزمان میں کرامت علی کھوکھر، مراد سعید، حافظ فرحت، احمد خان نیازی، زبیر خان نیازی، حامد رضا، امتیاز محمود اور واثق قیوم عباسی شامل ہیں۔

یاد رہے کہ ملزموں کے خلاف تھانہ سرور روڑ میں 2 جبکہ ایک مقدمہ تھانہ ماڈل ٹاؤن پولس نے درج کر رکھا ہے۔