پنجاب حکومت نے لاہور میں مصنوعی بارش برسانے کی تیاریوں کے لیے ورکنگ گروپ قائم کر دیا۔

ورکنگ گروپ قائم کرنے کا فیصلہ چیف سیکرٹری پنجاب کی زیر صدارت اجلاس میں کیا گیا۔

محکمہ تحفظ ماحولیات کے حکام نے اجلاس میں مصنوعی بارش برسانے کے لیے کلاؤڈ سیڈنگ اور کلاؤڈ آؤنائزیشن کے طریقہ کار پر بریفنگ دی اور بتایا کہ کلاؤڈ سیڈنگ کے لیے پہلا ٹرائل چار سے چھ ہفتے میں متوقع ہے۔

حکام نے بریفنگ میں بتایا کہ ہوائی جہاز استعمال کرتے ہوئے کیمیائی عمل کے ذریعے کلاؤڈ سیڈنگ کا زیادہ انحصار موسمی حالات اور بادلوں پر ہوتا ہے۔

یہ بھی پڑھیں:

لاہور سمیت پنجاب کے 6 ڈویژن میں 3 روزہ اسمارٹ لاک ڈاؤن ختم

اسموگ متاثرہ علاقوں میں جمعہ سے نیا لاک ڈاؤن، 29 نومبر کو مصنوعی بارش برسانے کا اعلان

اس موقع پر چیف سیکرٹری نے کہا کہ پنجاب حکومت اسموگ کی روک تھام کے لیے عملی اقدامات کر رہی ہے، ماحولیاتی آلودگی پر قابو پانے کیلئے مشترکہ کوششوں کی ضرورت ہے۔