لاہور میں موٹرسائیکل چوری کی وارداتوں میں مسلسل اضافہ ہوگیا، چور نجی اسپتال سے نئی موٹرسائیکل لے اڑے جبکہ سی سی ٹی وی فوٹیج سامنے آگئی۔

موٹرسائیکل چوروں نے لاہور کی مارکیٹوں، مساجد اور مزاروں کے بعد اسپتالوں کا بھی رخ کر لیا۔

چور شہری قمر ارشاد کی ڈیفنس میں نجی اسپتال کی پارکنگ سے نئی 125 موٹرسائیکل چوری کر کے فرار ہو گئے۔

موٹر سائیکل چوری کرنے کی سی سی ٹی وی فوٹیج سامنے آگئی، فوٹیج میں 2 نامعلوم نوجوانوں کو موٹر سائیکل چوری کرتے دیکھا جاسکتا ہے۔

شہری قمر ارشاد نے موٹرسائیکل چوری کی درخواست تھانہ ڈیفنس میں جمع کروا دی تاہم پولیس موٹر سائیکل کا سراغ نہ لگا سکی۔