190 ملین پاؤنڈ اسکینڈل کیس میں قومی احتساب بیورو (نیب) کی ٹیم پاکستان تحریک انصاف (پی ٹی آئی) کے چیئرمین عمران خان سے تفتیش کے بعد اڈیالہ جیل سے روانہ ہوگئی۔

جیل ذرائع کے مطابق القادر ٹرسٹ پراپرٹی 190 ملین پاؤنڈ اسکینڈل کی اڈیالہ جیل میں تفتیش کے معاملے پر نیب کی ٹیم نے پی ٹی آئی چیئرمین عمران خان سے تفتیش کی، نیب ٹیم نے 2 گھنٹے 20 منٹ تک عمران خان سے جیل میں تفتیش کی۔

نیب ٹیم میں میاں عمر ندیم، آصف منیر، وقار الحسن اور وقاص علیم شامل تھے۔

سابق وزیراعظم عمران خان سے تفتیش کے بعد نیب کی ٹیم اڈیالہ جیل سے واپس روانہ ہوگئی۔

جیل ذرائع کا مزید کہنا ہے کہ نیب ٹیم نے 15 نومبر سے چیئرمین پی ٹی آئی عمران خان سے روزانہ کی بنیاد پر تفتیش شروع کر رکھی ہے۔

اس سے قبل نیب ٹیم کے مزید 4 اراکین چیئرمین پی ٹی آئی عمران خان سے تفتیش کے لیے اڈیالہ جیل پہنچے تھے، نیب افسران میں میاں عمر ندیم، آصف منیر، وقار الحسن اور وقاص علیم شامل تھے۔

دوپہر ایک بجے اڈیالہ جیل پہنچنے والی نیب ٹیم بھی تاحال اڈیالہ جیل میں موجود تھی۔

نیب ٹیم چیئرمین پی ٹی آئی عمران خان سے 190 ملین پاؤنڈز اسکینڈل کی تفتیش کر نے پہنچی تھی۔

یاد رہے کہ نیب نے عدالت سے سابق وزہر اعظم عمران خان کا 4 روزہ جسمانی ریمانڈ حاصل کر رکھا ہے۔