لاہور کی احتساب عدالت نے ترقیاتی منصوبوں میں مبینہ کرپشن کے الزام میں پاکستان تحریک انصاف کے رہنما مونس الہٰی کو اشتہاری قرار دینے کا تحریری فیصلہ جاری کردیا۔

احتساب عدالت لاہور نے ترقیاتی منصوبوں میں مبینہ کرپشن کے کیس میں سابق وزیراعلیٰ پنجاب چوہدری پرویز الہٰی کے بیٹے مونس الہٰی کو اشتہاری قرار دیا جس کا تحریری فیصلہ جاری کردیا گیا۔

عدالت نے تحریری فیصلے میں کہا کہ مونس الہٰی نے خود کو روپوش کررکھا ہے، مونس الہٰی پراسکیوشن کے الزامات میں عدالت میں پیش ہونے سے اجتناب کر رہے ہیں، اشتہاری کی کارروائی کا 30 روز کا وقت پورا ہوچکا ہے، اس لیے عدالت مونس الہٰی کو اشتہاری قرار دینے کا حکم دیتی ہے۔

فیصلے میں مزید کہا گیا کہ جب تک مونس الہٰی گرفتار نہیں ہوتے، ان کے ناقابل ضمانت وارنٹ گرفتاری برقرار رکھے جاتے ہیں۔

مزید پڑھیں

منی لانڈرنگ مقدمے میں بھی مونس الہیٰ کو اشتہاری قرار دینے کی استدعا

منی لانڈرنگ کیس میں مونس الہیٰ کےناقابل ضمانت وارنٹ جاری

کک بیکس وصولی کیس: پی ٹی آئی رہنما مونس الہیٰ اشتہاری قرار