اسلام آباد ہائی کورٹ میں پولیس نے لاپتہ لڑکی کو بازیاب کرواکر پیش کردیا، جسےعدالت نے دارالامان بھیج دیا۔

عدالت میں 18سالہ گھریلو ملازمہ سدرہ کی بازیابی کے کیس کی سماعت ہوئی، جہاں عدالتی حکم پر پولیس نے لڑکی کو بازیاب کرواکرعدالت میں پیش کردیا۔

کیس کی سماعت جسٹس طارق محمود جہانگیری ن کی، اس دوران درخواست گزار کی جانب سے وکیل خاور بخاری عدالت میں پیش ہوئے۔

جسٹس طارق محمود جہانگیری نے کہا کہ لڑکی کہاں سے بازیاب ہوئی کس کے پاس تھی؟ تو پولیس نے کہا کہ لڑکی جناح گارڈن کے پاس جھگیوں سے برآمد ہوئی ہے۔

پولیس نے مزید کہا کہ لڑکی کا کہنا ہے کہ کسی رشتہ دارسے نکاح ہوچکا ہے لیکن وہ اب نکاح والے کے ساتھ بھی نہیں رہنا چاہتی، جس کے بعد عدالت نے لڑکی سدرہ کو روسٹرم پر طلب کیا۔