گزشتہ روز شاہدرہ کے قریب گرنے والے ریلوے کے پل کی بحالی کا کام مکمل کر لیا گیا، مرمت کا کام مکمل ہونے پر لاہور سے فیصل آباد ٹرین آپریشن بحال ہو گیا۔

ریلوے حکام کے مطابق شاہدرہ پل کی مرمت اور ٹرین آپریشن بحالی کے لیے ڈی ایس ریلوے کی نگرانی میں 24 گھنٹے مسلسل کام کیا گیا۔

پل کا پلر گرنے کی نشاندہی کرنے والے اسٹاف کو ریلوے انتظامیہ کی جانب سے تعریفی سرٹیفکیٹ دیے گئے ہیں۔

گزشتہ روز شاہدرہ پل کا ایک پلر گر جانے سے ٹرین آپریشن متاثر ہوا تھا اور لاہور فیصل آباد ٹریک پر آپریشن معطل جبکہ قراقرم ایکسپریس سمیت تین ٹرینوں کو متبادل روٹ سے گذارا گیا۔