الیکشن کمیشن عام انتخابات سے قبل ملک بھر میں ابتدائی حلقہ بندیوں کی فہرست آج جاری کرے گا۔

ابتدائی حلقہ بندیوں پر تجاویز اور اعتراضات 28ستمبرتا27 اکتوبر دائر کیے جاسکیں گے۔

الیکشن کمیشن ان اعتراضات و تجاویز کو 26 نومبر تک نمٹائے گا جس کے بعد 30 نومبرکو حتمی حلقہ بندیوں کی فہرست جاری کی جائے گی۔

قومی صوبائی اسمبلیوں کی موجودہ نشستیں برقرار رہیں گی۔

الیکشن کمیشن کے مطابق قومی اسمبلی کی 266، پنجاب اسمبلی کی 297نشستوں پرحلقہ بندیاں کی گئیں۔

سندھ اسمبلی کی 130 اور خیبرپختونخوا کی 115نشستوں پرجبکہ بلوچستان اسمبلی کی51نشستوں پرحلقہ بندیاں کی گئیں۔

واضح رہے کہ الیکشن کمیشن نے جنوری 2024 کے آخری ہفتے میں الیکشن کروانے کا اعلان کیا ہے۔