سپریم کورٹ میں 90 روز میں انتخابات کروانے اور پیٹرولیم مصنوعات کی قیمتوں میں اضافہ کے خلاف درخواست دائر کردی گئی۔

درخواست مولوی اقبال حیدر نے آئین کے آرٹیکل 184/3کے تحت سپریم کورٹ میں دائر کی جس میں وفاق، الیکشن کمیشن آف پاکستان، وزارت خزانہ،وزارت پیٹرولیم اور دیگر کو فریق بنایا گیا۔

درخواست میں عدالت عظمیٰ سے استدعا کی گئی کہ 90 روز میں انتخابات کرانے کا حکم دیا جائے۔

درخواست میں مئوقف اختیار کیا گیا ہے کہ نگراں حکومت کا کام 90 دن میں انتخابات کرانا ہے جبکہ درخواست میں یہ بھی استدعا کی گئی ہے کہ نگراں حکومت کو نئی حکومت کے قیام تک پیٹرولیم مصنوعات قیمتوںمیں اضافہ سے روکا جائے۔

مزید پڑھیں

لاہور ہائیکورٹ، پیٹرولیم مصنوعات کی قیمتوں میں اضافے کا اقدام چیلنج

ٹینکر مالکان نے مختلف شہروں میں پیٹرول اور ڈیزل کی سپلائی بند کردی

الیکشن کمیشن کا جنوری 2024 میں عام انتخابات کرانے کا اعلان، صوبوں کو تیاری کی ہدایت

الیکشن کمیشن کی انتخابی رولز کی 18 شقوں میں تبدیلی، 5 نئے فارم بھی جاری

درخواست میں مزید کہا گیا کہ نگراں حکومت کو آئینی درخواست کا فیصلہ ہونے تک پٹرولیم مصنوعات کی قیمتوں میں مزید اضافہ روک دیا جائے، نگران حکومت پیٹرولیم مصنوعات قیمتوں میں اضافہ کا فیصلہ کرنے کی مجاز نہیں، عوام کے منتخب نمائندے قیمتوں میں اضافہ کرنے کے مجاز ہیں۔