نیپال کرکٹ ٹیم ایشیا کپ 2023 میں شرکت کے لیے کراچی پہنچ گئی۔

نیپالی کرکٹ ٹیم کے کراچی پہنچنے پر انتظامیہ کی جانب سے کھلاڑیوں کا استقبال کیا گیا اور انہیں پھولوں کے ہار پہنائے گئے، جس کی ویڈیو پاکستان کرکٹ بورڈ نے شیئر کی ہے۔

نیپال کی ٹیم کراچی میں دو دن پریکٹس کرے گی اور ایک دن پریکٹس میچ کھیلے گی جب کہ کرکٹ ٹیم 27 اگست کو کراچی سے ملتان روانہ ہوگی۔

واضح رہے کہ نیپال اور پاکستان کے درمیان ایشیا کپ کا افتتاحی میچ 30 اگست کو ملتان کرکٹ اسٹیڈیم میں کھیلا جائے گا۔

گزشتہ روز ذرائع کا کہنا تھا کہ نیپال کرکٹ ٹیم نے پی سی بی سے ایونٹ شیڈول سے قبل پاکستان آنے کی درخواست کی تھی۔