امیر جماعت اسلامی سراج الحق کا کہنا ہے کہ دو خانداںوں کی حکومتی بندر بانٹ مسترد کرتے ہیں۔

پشاور میں میڈیا سے بات کرتے ہوئے امیر جماعت اسلامی سراج الحق کا کہنا تھا کہ کراچی مئیر انتخابات الیکشن نہیں سلیکشن تھا، جس کے خلاف عدالت میں جارہے ہیں، امید ہے کیس میں ہمیں انصاف ملے گا۔

امیر جماعت اسلامی نے کہا کہ 2023 پاکستان میں الیکشن کا سال ہے، اگر ملک میں عام انتخابات ملتوی ہوئے تو اس کی بھرپور مخالفت کریں گے۔

سراج الحق کا کہنا تھا کہ دوخانداںوں کی حکومتی بندربانٹ مستردکرتے ہیں، پاکستان 70 سالوں میں ویلفیرریاست نہ بن سکا، الیکٹیبلز سیاسی خانہ بدوش ہیں، ان کی سیاست سے ملک ترقی نہیں کرتا، این آر او کے پہلے بھی مخالف تھے اور آج بھی مخالف ہیں۔

امیر جماعت اسلامی نے کہا کہ سویڈن میں قران پاک کی توہین پر او آئی سی کی مذمت ناکافی ہے، سویڈن سے فوری طور پر سفارتی تعلقات ختم کیے جائیں، اور قران پاک کی توہین کا معاملہ اقوام متحدہ میں بھی اٹھانا چاہیے۔