سندھ ہائی کورٹ نے میئر کراچی کے الیکشن میں تمام منتخب نمائندوں کی شرکت یقینی بنانے کا حکم دے دیا

پولیس اور سندھ حکومت نے عدالت میں چار گرفتار یوسی چیئرمین کی فہرست پیش کی اور بتایا کہ فردوس شمیم نقوی، عمر دراز، سید امجد اور محمد مصطفیٰ مختلف مقدمات میں گرفتار ہیں، فردوس شمیم نقوی این آئی سی وی ڈی سکھر میں زیر علاج ہیں۔

عدالت عالیہ نے حکم دیا کہ گرفتار منتخب بلدیاتی نمائندوں کو بحفاظت سٹی کونسل ہال پہنچایا جائے، تمام منتخب نمائندوں کی میئر کے الیکشن میں شرکت کو یقینی بنایا جائے۔