سابق امریکی صدر ڈونلڈ ٹرمپ کی مشکلات میں مزید بڑھ گئیں ہیں، عدالت کی جانب سے آئندہ سال الیکشن مہم کے دوران سماعت کی تاریخ دے دی ہے ۔

مین ہٹن کی ریاستی عدالت میں سابق صدر ڈونلڈ ٹرمپ کے مجرمانہ مقدمے کی سماعت ہوئی جہاں ٹرمپ پر تعلقات چھپانے کے لیے اداکارہ سٹوری ڈینئیلز کو رقم کی ادائیگی کے الزامات ہیں۔

امریکی عدالت کے جج جسٹس جوان مرچن نے مقدمے کی آئندہ سماعت کے لیے اگلے سال 25 مارچ کی تاریخ دی ہے۔ امریکا میں اگلا سال یعنی 2024 الیکشن کا سال ہے۔

ڈونلڈ ٹرمپ کو اگلے سال الیکشن مہم کے دوران مجرمانہ مقدمے کا سامنا کرنا پڑے گا، ٹرمپ صدارتی نامزدگی کے لیے پرائمری انتخابات کے دوران عدالت میں پیشیاں بھگتیں گے۔