پاکستان تحریک انصاف (پی ٹی آئی) کے گرفتار رہنماؤں کو اڈیالہ سے ڈسٹرکٹ جیل جہلم منتقل کردیا گیا۔

پی ٹی آئی رہنماؤں علی محمد خان، فیاض الحسن چوہان اور سینیٹر سیف اللہ نیازی کو جہلم جیل منتقل کیا گیا۔

پی ٹی آئی کے رہنماؤں کو جیل کے سیکیورٹی سیل میں رکھا گیا ہے۔

یاد رہے کہ 14مئی کو سینیٹر سیف اللہ خان نیازی کو اسلام آباد پولیس نے گرفتار کرکے انہیں نامعلوم مقام پر منتقل کردیا تھا۔

15 مئی کو پولیس نے فیاض الحسن چوہان کو مری روڈ لیاقت باغ سے گرفتار کیا تھا۔

پی ٹی آئی رہنما کے خلاف 9 مئی کو تھانہ صادق آباد میں مقدمہ درج کیا گیا تھا، ان پر جلاؤ گھیراؤ اور کارکنوں کو اکسانے، سکستھ روڈ میٹرو اسٹیشن جلانے اور توڑ پھوڑ کا بھی الزام ہے۔