فلسطینی وزارت صحت کا کہنا ہے کہ غزہ پر اسرائیلی فضائی حملوں میں 21 فلسطینی شہید اور 64 زخمی ہوئے ہیں۔

حملوں میں ہلاک ہونے والوں میں اسلامی جہاد کے تین رہنما ان کی بیویاں اور بچے شامل ہیں۔

فلسطینی اعداد و شمار کے مطابق رواں سال کے آغاز سے اب تک اسرائیلی فائرنگ سے 130 فلسطینی شہید ہوچکے ہیں۔ اسی عرصے کے دوران مختلف حملوں میں 19 اسرائیلی بھی مارے گئے ہیں۔

دوسری جانب اسلامی جہاد کی جانب سے اسرائیل پر راکٹوں سے حملہ تین رہنماؤں کی شہادت کے جواب میں کیا گیا تاہم حملے میں کوئی ہلاکت نہیں ہوئی ہے۔