سندھ ہائیکورٹ نے سندھ مین ہونے والے جرگوں کو غیر قانونی قرار دیتے ہوئے حکم دیا ہے کہ اگر کسی ضلع میں جرگہ ہوا تو آئی جی سندھ، ایس ایس پی کیخلاف کارروائی کی جائے گی۔

سندھ ہائیکورٹ میں جیکب آباد میں جرگے کے خلاف سماعت ہوئی، عدالت نے صوبے میں ہونے والے جرگوں پر اہم فیصلہ جاری کردیا، اور جرگوں کو غیر قانونی قرار دیتے ہوئے آئی جی سندھ سے گزشتہ پانچ سال کے دوران ہونے والے جرگوں تفصیلات طلب کرلیں۔

عدالت نے حکم دیا اگر کسی ضلع میں جرگہ ہواتو آئی جی سندھ، ایس ایس پی کیخلاف کریمنل پروسیکیوشن کارروائی کی جائے گی۔

عدالت نے اپنے حکمنامے میں کہا کہ جرگےکا انعقاد ریاست کے اندر ریاست بنانا ہے، اب اگر جرگہ ہوا تو متعلقہ پولیس افسرکےخلاف کارروائی ہوگی، پولیس افسر کے خلاف مقدمہ چلایا جائے گا۔ عدالت نے کیس کی مزید سماعت 17 مئی تک ملتوی کردی۔