پاکستان ریلوے ریزرویشن سسٹم کا لنک 5 گھنٹے بعد بحال کردیا گیا ہے۔

ترجمان ریلوے کے مطابق این ٹی سی ڈیٹا بیس پر دباؤ بڑھنے اور سرور کی اسپیس کم ہونے کی وجہ سے لنک ڈاؤن ہونے سے مسافروں کو مشکلات کا سامنا کرنا پڑا۔

ترجمان کے مطابق آن لائن سسٹم گزشتہ روز دوپہر 3 بجے ڈاؤن ہوا، این ٹی سی ڈیٹا بیس کا لنک ڈاؤن ہونے کے باعث ملک بھر کے ریزرویشن دفاتر میں ٹکٹوں کی بکنگ بند ہوگئی۔

اس حوالے سے ترجمان ریلوے کا کہنا ہے کہ این ٹی سی سسٹم کے مین سرور میں خرابی پیدا ہوئی، جس کے باعث لنک ڈاؤن ہوا۔

یاد رہے کہ محکمہ ریلوے نے عید الفطر کی تعطیل کے دوران ٹرینوں کے کرایوں میں 33 فیصد رعایت کا اعلان کررکھا ہے۔

ریزرویشن نظام بند ہونے سے مسافروں کو 25 اپریل تک 33 فیصد رعایت کا حصول مشکل ہوگیا، تاہم 5 گھنٹے کے بعد ریلوے کا ریزرویشن سسٹم بحال ہوگیا۔

ترجمان کے مطابق ریلوے دفاتر میں ٹکٹوں کی بکنگ کا کام شروع کردیا گیا، این ٹی سی ٹیم نے ریلوے ٹیم کے ساتھ مل کر کام مکمل کرلیا۔