پاکستان کرکٹ بورڈ (پی سی بی) کی منیجمنٹ کمیٹی کی مدت میں 2 ماہ کی توسیع کردی گئی۔

وزارت بین الصوبائی رابطہ نے کرکٹ بورڈ کے پیٹرن وزیراعظم شہباز شریف کی منظوری کے بعد نوٹیفکیشن جاری کردیا۔

اس حوالے سے جاری کردہ نوٹیفکیشن کے مطابق مینجمنٹ کمیٹی کی مدت میں 22 اپریل سے 21 جون تک توسیع کی گئی ہے۔

نجم سیٹھی کی سربراہی میں میبجمنٹ کمیٹی 22 دسمبر 2022 کو تشکیل دی گئی تھی، کمیٹی کو 2014 کے آئین کی بحالی کے لئے 120 دن دیے گئے۔

وزارت بین الصوبائی رابطہ کے مطابق منیجمنٹ کمیٹی کو تمام ذمہ داریوں اور نامکمل امورکی تکمیل کے لئے 22 اپریل سے 21 جون تک توسیع دی گئی ہے۔