لاہور میں ایک بار پھر کورونا وائرس پھیلنا شروع ہوگیا جس کے باعث سرکاری اسپتالوں میں مریضوں کی تعداد بڑھ رہی ہے۔

سرکاری اسپتالوں میں انتظامات کے دعوے تو کیے جارہے ہیں مگر مریضوں کے اہلخانہ کا کہنا ہے کہ اسپتالوں میں سینیٹائزر بھی نہیں لگے اور ماسک بھی کوئی نہیں لگاتا جبکہ ڈاکٹرز شہریوں کو ماسک لگانے کی ہدایت دے رہے ہیں۔

ذرائع کے مطابق لاہورمیں 24 گھنٹے کے دوران 11 کیس رپورٹ ہوئے اور دو ہفتوں کے دوران 5 مریض دم توڑنے کی اطلاعات بھی ہیں۔

ایم ایس سروسز اسپتال ڈاکٹر مختار احمد نے کہا کہ ابھی مریض کم ہیں اور طبی سہولیات موجود ہیں لیکن مریضوں میں اضافے پر بجٹ کی ضرورت ہوگی۔

محکمہ صحت کی جانب سے وائرس سے متاثرہ افراد کے اعداد و شمارشئیر ہی نہیں کئے جا رہے۔