سپریم کورٹ رجسٹرار آفس نے (ن) لیگ، پیپلز پارٹی اور جے یو آئی (ف) کی انتخابات ملتوی کیس میں فریق بننے کی درخواست لینے سے انکار کر دیا۔

مسلم لیگ (ن)، پیپلز پارٹی اور جے یو آئی (ف) نے انتخابات ملتوی کیس میں فریق بننے کی متفرق درخواست سپریم کورٹ میں دائر کردی تاہم رجسٹرار آفس نے درخواست لینے سے انکار کردیا۔

رجسٹرار آفس کی جانب سے کہا گیا ہے کہ تینوں سیاسی جماعتوں کو انتخابات ملتوی کیس میں پارٹی بننے کی درخواست دوران سماعت عدالت میں پیش کرنے کی ہدایت کی ہے۔

گذشتہ روز حکومتی اتحاد پی ڈی ایم میں شامل تینوں بڑی جماعتوں نے تحریک انصاف کی درخواست پر سپریم کورٹ میں زیر سماعت انتخابات ملتوی کیس میں فریق بننے کا فیصلہ کیا تھا۔