سپریم کورٹ نے پی ٹی آئی ارکان اسمبلی کے استعفوں کی منظوری سے متعلق دائر درخواست خارج کر دی، عدالت نے تحریک انصاف کی درخواست واپس لینے پر خارج کی۔

چیف جسٹس عمر عطا بندیال کی سربراہی میں سپریم کورٹ کے 3 رکنی بینچ نے تحریک انصاف کے ارکان قومی اسمبلی کے استعفوں سے متعلق درخواست پر سماعت کی۔

مزید پڑھیں: سپریم کورٹ کا پی ٹی آئی کو قومی اسمبلی میں واپسی کا مشورہ

وکیل فیصل چوہدری نے عدالت کو بتایا کہ استعفوں کی منظوری سے متعلق درخواست واپس لیتے ہیں، اسپیکر کے کنڈکٹ کے خلاف پی ٹی آئی ارکان اسمبلی نے ہاٸی کورٹ رجوع کیا ہے۔

چیف جسٹس عمر عطا بندیال نے کہا کہ ہاٸیکورٹ کا فیصلہ بھی سامنے ہے، ہاٸیکورٹ کے فیصلے میں بھی ارکان کے استعفوں کی منظوری تصدیق سے مشروط کی گٸی تھی۔

مزید پڑھیں: پی ٹی آئی ارکان کے مرحلہ وار استعفوں کی منظوری، فیصلہ سپریم کورٹ میں چیلنج