جامعہ پشاور میں سیکیورٹی سپروائزر کے قتل کے خلاف اساتذہ اور ملازمین کی جانب سے ہڑتال دوسرے روز بھی جاری ہے۔

پشاور یونیورسٹی ٹیچنگ اسٹاف ایسوسی ایشن (پیوٹا) کا کہنا ہے کہ آج بھی کلاسز، امتحانات، دفتری امور معطل رہیں گے جبکہ وائس چانسلرکو برطرف اورثقلین بنگش قتل کی جوڈیشل انکوائری کی جائے۔

ان کا مزید کہنا ہے کہ یونیورسٹی کیمپس کو اسلحہ اور منشیات سے پاک کیا جائے اور سیکیورٹی گارڈز کے نفسیاتی معائنے اور اہلیت کو یقینی بنایا جائے۔

یاد رہے کہ سیکیورٹی گارڈ نے اپنے ہی سپروائزر پر گولیاں چلا دیں تھیں۔

فائرنگ کے باعث سپروائزر ثقلین بنگش جاں بحق ہوگئے جبکہ فائرنگ کے بعد ڈیوٹی پر مامور سیکیورٹی گارڈ فرار ہوگیا تھا۔