پاک افغان طورخم سرحدی گزرگاہ 6 روز بعد کارگو گاڑیوں کی آمدورفت کے لئے کھول دی گئی ہے۔

سیکورٹی حکام کے مطابق متعدد امپورٹ ایکسپورٹ گاڑیاں سرحدی گزرگاہ پار کر گئی ہیں، جبکہ پیدل آمدورفت گزشتہ شام ہی بحال ہوگئی تھی۔

حکام نے بتایا کہ 6 روز قبل افغان سیکورٹی اہلکاروں نے سرحدی گزرگاہ کو ہرقسم آمدورفت کے لئے بند کردیا تھا جس کے باعث ہزاروں کارگو گاڑیاں پھنس گئی تھی۔

بارڈر کلیرنس حکام نے واضح کیا کہ سرحدی گزرگاہ پر دو طرفہ تجارت کی معطلی سے ملک کی خزانہ کو ٹیکس کی مد میں 270 ملین روپے کا نقصان پہنچا ہے۔