الیکشن کمیشن نے پاکستان تحریک انصاف (پی ٹی آئی) کے استعفیٰ دینے والے 32 ارکان قومی اسمبلی کی رکنیت بحال کردی۔

لاہورہائیکورٹ کے حکم پر پنجاب کی 27 نشستوں پر انتخابی شیڈول معطل کردیا گیا جبکہ خواتین کی مخصوص نشستوں پر منتخب 5 ارکان کو بھی بحال کردیا گیا۔

الیکشن کمیشن کے نوٹیفکیشن کے مطابق این اے 52، 53 اور 54 میں ضمنی انتخاب شیڈیول کے مطابق ہوگا۔

الیکشن کمیشن نے ایک اور نوٹیفکیشن کے ذریعے این اے 45 کے علاوہ ضمنی انتخابات میں عمران خان کے جیتے 6 حلقوں کو خالی قرار دے دیا۔

ان حلقوں میں این اے 22، این اے 24، این اے 31، این اے 108، این اے 118 اور این اے 239 کو خالی قرار دے دیا ہے۔