پاکستان تحریک انصاف کے چیئرمین عمران خان کی لاہور ہائیکورٹ پیشی کے دوران کارکنان کی جانب سے اسپیشل برانچ کے ملازم پر تشدد کے معاملے پر مقدمہ درج کرلیا گیا۔

پولیس نے اہلکار جہانزیب سہیل کی مدعیت میں مقدمہ درج کیا ہے۔

پولیس کی جانب سے نامزد ملزمان عمران گن مین، عامر وزیر گن مین، سجاد کمانڈو سمیت 15 نامعلوم ملزمان کے خلاف مقدمہ درج کیا گیا ہے۔

مقدمے کے متن میں کہا گیا ہے کہ کارکنان نے حسان نیازی اور احمد خان نیازی کی ایما پرتشدد کیا، اہلکار جہانزیب 8 کلب کے باہر ڈیوٹی پر معمور تھا، پی ٹی آئی کارکنان نے مجھے دیکھ کر تشدد کرنا شروع کردیا، کارکنان نے ڈنڈوں اور مکوں سے تشدد کرکے سرکاری پسٹل بھی چھین لیا۔