الیکشن کمیشن نے جماعت اسلامی کی درخواست بطور ’ٹیسٹ کیس‘ سُننے کا فیصلہ کرلیا ہے۔

الیکشن کمیشن میں کراچی بلدیاتی انتخابات میں بے ضاطگیوں میں جماعت اسلامی کی درخواست پہ سماعت ہوئی، جس دوران جماعت اسلامی کے حسن جاوید نے کہا کہ پریزاٸیڈنگ آفیسر اور فارم 11 میں بے ضابطگیاں ہیں۔

انہوں نے کہا کہ ریٹرنگ آفیسر نے نتائج تبدیل کیے اور فارم 11، 13 اور فارم 45 میں ووٹوں کا شمار مختلف ہے۔

الیکشن کمیشن نے کہا کہ آپ کا کیس انتخابات کے بعد کی بے ضابطگیوں کا ہے الیکشن سے پہلے کا کوٸی مسئلہ نہیں۔

وکیل پیپلز پارٹی کا کہنا تھا کہ ہم چاہتے ہیں کہ یہ مسئلہ الیکشن ٹرابیونل میں جائے، جس پر الیکشن کمیشن نے کہا کہ ٹیسٹ کیس کے طور پہ سن لیتے ہیں تاکہ پتے چلے اس میں ٹمپرنگ ہوئی ہے۔

ممبر کمیشن نے کہا کہ اگر گڑبڑ ہوئی، تو از خود ایکشن لے سکتے ہیں جس کے بعد کیس کی سماعت 7 فروری تک ملتوی کردی گئی۔