پاکستان کرکٹ بورڈ (پی سی بی) نے جونیئر لیگ کے واجبات کلیئر کردیے۔

پی سی بی مینجمنٹ کمیٹی کے رکن شکیل شیخ کے مطابق سابق چیئرمین رمیز راجہ نے پہلی پاکستان جونیئر لیگ کرائی اور لیگ کے واجبات کی ادائیگیاں نہیں کی تھی، جن میں غیرملکی کھلاڑیوں، مینٹورز اور لوکل پلیئرز کے واجبات شامل تھے۔

کرکٹ مینجمنٹ کمیٹی کے سربراہ نجم سیٹھی کی ہدایت پر اب تمام ادائیگیاں کردی گئی ہیں۔

شکیل شیخ نے بتایا کہ رمیز راجہ کی ناقص حکمت عملی کی وجہ سے بورڈ کو جونیئرلیگ کی مد میں 4اعشاریہ 3ملین ڈالرز کا نقصان ہوا جبکہ رمیز راجہ نے اپنے استعمال کےلئے پی سی بی کے خزانے سے بلٹ پروف گاڑی بھی خریدی تھی۔