سعودی عرب سے آنے والے مسافروں پر آب زم زم لانے پر مکمل پابندی عائدکردی گئی۔

جدہ ایئرپورٹ حکام نے قومی ایئرلائن (پی آئی اے) سمیت تمام نجی ایئرلائنز کومراسلہ جاری کردیا، جس کے مطابق عمرہ اور حج ویزہ کے حامل مسافروں کو ہی آب زم زم لے جانے کی اجازت ہے،اس کے علاوہ دیگر مسافروں کو آب زم زم ساتھ لے جانے کی اجازت نہیں ہو گی۔

عمرہ اور حج ویزے پر سعودی عرب آنے والے زائرین کو بھی صرف 5 لیٹر آب زم زم کی ایک ہی بوتل لانے کی اجازت ہو گی۔

جدہ ائیرپورٹ حکام کے مراسلے میں بتایا گیا ہے کہ وزٹ ویزہ، بزنس ویزہ، سیاحتی ویزہ اور دیگر مقاصد کے لئے سعودیہ جانے والوں کو آب زم زم لانے کی اجازت نہیں ہوگی۔

عمرہ اور حج زائرین کو کنگ عبداللہ بن عبدالعزیز زم زم واٹر پروجیکٹ کے تحت تیارہ کردہ بوتل ہی مہیا کی جائے گی۔