وفاقی وزیر توانائی خرم دستگیرنے لندن میں مسلم لیگ (ن) کے قائد نواز شریف سے ملاقات کی ہے۔

ملاقات کے بعد خرم دستگیر نے میڈیا سے گفتگو کرتے ہوئے کہا کہ برطانوی اداروں نے شریف برادران کو صادق اور امین قراردیا، ڈیلی میل کی معافی نے صادق اور امین ہونے پر مہر لگادی۔

انہوں نے مزید کہا کہ نیشنل کرائم ایجنسی نے 3 سال تک شہبازشریف کے خلاف تحقیقات کیں، بالآخر نیشنل کرائم ایجنسی نے شہبازشریف کو بری الزمہ قراردے دیا۔

خرم دستگیر نے کا کہنا تھا کہ فنانشل ٹائم نے عمران خان پر سنجیدہ الزامات لگائے، چیئرمین پی ٹی آئی فنانشل ٹائم کو برطانوی عدالتوں میں نہیں لے کر گئے، عمران خان پر خیرات کے لئے اکٹھے کیے گئے فنڈز کو سیاسی مقاصد کے لئے استعمال کیے جانے کے الزامات لگے، برطانوی اخبار نے الزام لگایا اور عمران خان نے چپ سادھ لی۔