وزیر دفاع خواجہ آصف کا کہنا ہے کہ عمران خان ایماندار نہیں جیب کترے ہیں، عمران خان کو منصوبے کے تحت اقتدار دیا گیا تھا، ہم معیشت سنبھالنے اور مہنگائی کو قابو کرنے میں لگے ہوئے ہیں- ملک کو دوبارہ ترقی کی راہ پر گامزن کریں گے۔

سیالکوٹ میں میڈیا سے گفتگو کرتے ہوئے خواجہ آصف نے کہا کہ ڈیلی میل نے جھوٹی خبر پر شہباز شریف سے معافی مانگی، ہمیں بدنام کرنے کیلئے میڈیا ٹرائل کیا گیا۔

انہوں نے کہا کہ رانا ثناءاللہ کو منشیات کے مقدمے میں جیل بھجوایا گیا، عدالت نے رانا ثناءاللہ کو جھوٹے کیس سے بری کردیا، ہم اللہ اور دنیا کی عدالتوں سے سرخرو ہونگے۔

ان کا کہنا تھا کہ عمران خان نے خانہ کعبہ والی گھڑی بھی بیچ دی، عمران خان نے زلفی بخاری کے ذریعے گھڑیاں بیچیں، عمران خان شوکت خانم اسپتال کیلئے ملنے والے پیسے کھا گئے۔ عمران خان ایماندار نہیں جیب کترے ہیں۔

انہوں نے مزید کہا کہ ذاتی انتقام کی آگ بھجانے کیلئے لیگی قیادت پر مقدمات بنائے گئے۔