وزیراعلیٰ پنجاب چودھری پرویزالٰہی نے لاہور چڑیا گھر اور سفاری زو کی تنظیم نو کی منظوری دے دی۔

وزیراعلیٰ پنجاب پرویز الٰہی کی زیر صدارت اجلاس میں زو اینڈ وائلڈ لائف مینجمنٹ اتھارٹی بنانے کی منظوری دی گئی جو پنجاب بھر کے چڑیا گھروں اور سفاری زو کی تعمیر و بحالی کیلئے کام کرے گی۔

پرویز الٰہی نے کہا کہ بچوں کو معیاری تفریح فراہم کرنے کیلئے سفاری زو میں ساؤتھ ایشین اور افریقی تھیم زونز، جوائے لینڈ، ٹرام سٹرکچر اور دیگر سہولتیں مہیا کی جائیں گی، بچوں کی دلچسپی کیلئے لاہور چڑیا گھر میں برڈ شوز بھی منعقد کئے جائیں گے۔

وزیراعلیٰ نے ہدایت کی کہ لاہور چڑیا گھر اور باغ جناح سے ملحقہ 7 کنال اراضی پر فوڈ کورٹس بنانے کا جائزہ لیا جائے اور سفاری زو میں ٹائیگر ٹنل جیسی اختراعات کو متعارف کرایا جائے۔

جبکہ سفاری زو میں بچوں کو تاریخ سے آگاہ کرنے کیلئے رائیڈ ہسٹری گیلری بنائی جائے اور سرکاری چڑیا گھروں میں پرندوں کی افزائش نسل کیلئے بریڈنگ کا جائزہ بھی لیا جائے۔