جہلم کے علاقے کھیوڑہ سالٹ رینج میں ڈمپر نے بارات میں شامل متعدد گاڑیوں کو کچل دیا، حادثے میں دولہا اور دلہن سمیت سات افراد جاں بحق اور آٹھ زخمی ہوگئے۔

امدادی ٹیموں نے لاشوں اور زخمیوں کو تحصیل ہیڈکوارٹر اسپتال پنڈ دادنخان منتقل کردیا گیا۔

لاشوں کی شناخت دولہا احتشام اور دلہن شبانہ کے نام سے ہوئی۔

ذرائع کےمطابق حادثہ ڈمپر کے بریک فیل ہونے کے باعث پیش آیا۔

ریسکیو ٹیموں کو اندھیرے اور پہاڑی علاقہ ہونے کے باعث مشکلات کاسامنا کرنا پڑا۔