خیبرپختونخوا اسمبلی میں عمران خان کی نااہلی سے متعلق الیکشن کمیشن کے فیصلے کے خلاف قرارداد کثرت رائے سے منظور کرلی گئی۔

قرارداد پیش کئے جانے کے دوران خوب شور شرابہ ہوا، جبکہ موقع نہ دینے پر اپوزیشن ممبران نے ایوان میں احتجاج کیا۔ حکومت اور اپوزیشن ممبران نے ایک دوسرے کے خلاف نعرے بازی بھی کی۔

حکومتی اراکین کے ایوان سے جانے پر کورم نامکمل قرار دیا گیا اور اجلاس 31 اکتوبر تک ملتوی کردیا گیا۔