وفاقی وزیر برائے منصوبہ بندی احسن اقبال کا کہنا ہے کہ سیلاب زدہ علاقوں میں انتخابات آئندہ 6 سے 8 ماہ تک ممکن نہیں۔

اسلام آباد میں وفاقی وزراء کے ہمراہ پریس کانفرنس کرتے ہوئے احسن اقبال نے کہا کہ سندھ اور بلوچستان کے بڑے علاقے میں سیلاب کا پانی کھڑا ہے، ایسے سیلاب زدہ علاقوں میں آئندہ 6 سے 8 ماہ تک عام انتخابات ممکن نہیں ہے۔

انہوں نے کہا کہ نئی مردم شماری کے بعد ہی نئی حلقہ بندیاں ہوسکتی ہیں، لہٰذا عام انتخابات اپنے وقت پر ہی ہوں گے۔

احسن اقبال کا مزید کہنا تھا کہ گزشتہ مہنیوں میں پاک فوج کے کئی افسران و جوانوں کی شاہدتیں ہوئی ہیں۔ انہوں نے کہا کہ عمران خان کا مقصد انتخابات نہیں بلکہ کچھ اور ہے۔

اس موقع پر وفاقی وزیر دفاع خواجہ آصف کا بھی کہنا تھا کہ افواج پاکستان ملکی سرحدوں کے محافظ ہیں تاہم پی ٹی آئی رہنما افواج پاکستان کے سربراہ کو حدف تنقید بنا رہے ہیں۔