لاہورکی ضلعی انتظامیہ نے نان اور روٹی کی نئی قیمت مقرر کی جسے نان بائی ایسوسی ایشن نے تسلیم کرنے سے انکارکردیا۔

نان بائیوں کا کہنا ہے کہ حکومتی نرخ مہنگائی کے تناسب سے ناکافی ہیں، سادہ روٹی 15 اور 20 روپے سے کم فروخت نہیں کرسکتے۔

ضلعی انتظامیہ نے 13 روپے کی روٹی اور 20 روپے نان کی قیمت مقرر کی ہے مگر نان بائی کہتے ہیں 15 سے 20 روپے سادہ روٹی جبکہ نان کی قیمت 25 سے 30 روپے کی جائے گی۔

نان بائی اور ضلعی انتظامیہ کی قیمت شہریوں کی جیب پر بھاری پڑ رہی ہے جن کیلئے سستی روٹی کھانا ایک خواب بن گیا ہے۔