انگلینڈ کرکٹ ٹیم کے نائب کوچ رچرڈ ڈاؤسن پریکٹس سیشن کے دوران زخمی ہو گئے۔

انگلینڈ کرکٹ ٹیم کے ترجمان کا کہنا ہے کہ رچرڈ ڈاؤسن پریکٹس سیشن کے دوران ٹیم کو فیلڈنگ پریکٹس کراتے وقت کولہے کی انجری کا شکار ہوئے ۔

انجری کے بعد ڈاؤسن کو گراؤنڈ سے لے جایا گیا جبکہ ترجمان کے مطابق رچرڈ ڈاؤسن کی انجری کا مکمل معائنہ کل کیا جائے گا۔

یاد رہے کہ 17سال بعد پاکستان کے دورے پر آئی انگلش ٹیم گرین شرٹس کے خلاف ٹی 20سیریز کی تیاریوں میں مصروف ہے، دونوں ٹیموں کے درمیان سیریز کا آغاز 20 ستمبر سے ہوگا۔

7 میچوں پر مشتمل سیریز کے 4 میچز کراچی میں ہوں گے جبکہ 3میچز لاہور میں کھیلیں جائیں گے۔