پاکستان تحریک انصاف (پی ٹی آئی) کے چیئرمین عمران خان نے آج پشاور جلسے میں مخالفین کوبھرپور جواب دینےکااعلان کردیا۔

سماجی رابطے کی ویب سائٹ ٹوئٹر پر جاری بیان میں سابق وزیراعظم عمران خان نے کہا کہ میں اس کڑے پروپیگنڈے پر نگاہ رکھے ہوئے ہوں، جو مجرموں کا پی ڈی ایم نامی گروہ میرے خلاف مہم چلا رہا ہے۔

میں اس کڑےپراپیگنڈےپر نگاہ رکھےہوئےہوں جومجرموں کاPDMنامی گروہ میرےخلاف کررہاہے۔اسکی وجہ وہ خوف ہےجس میں یہPTIکی بڑھتی ہوئی مقبولیت کے باعث مبتلاہیں۔پشاورکےآج کےجلسےمیں میں ان سب کو باضابطہ جواب دوں گاجو مجھےبدنام کرنےکیلئےمیرےالفاظ کوجان بوجھ کر توڑمروڑ رہےہیں۔بس بہت ہوگیا!

— Imran Khan (@ImranKhanPTI) September 6, 2022

عمران خان نے کہا کہ اس پروپیگنڈے کی وجہ وہ خوف ہے جس میں یہ پی ٹی آئی کی بڑھتی ہوئی مقبولیت کے باعث مبتلا ہیں۔

چیئرمین پی ٹی آئی کا مزید کہنا تھا کہ پشاور کے آج کے جلسے میں ان سب کو باضابطہ جواب دوں گا، جو مجھے بدنام کرنے کیلئے میرے بیانات کو جان بوجھ کر توڑ مروڑ کر پیش کررہے ہیں، بس !اب بہت ہوگیا۔