سابق وزیر خزانہ شوکت ترین پی ٹی آئی رہنما محسن لغاری اور تیمور سلیم جھگڑا کی مبینہ آڈیو کالز پر پنجاب اسمبلی میں اظہارتشویش کی قرارداد جمع کرادی گئی۔

پنجاب اسمبلی میں (ن) لیگ کی رکن حِنا پرویزبٹ نے قرارداد جمع کروادی، جس میں میں کہا گیا ہے کہ شوکت ترین منظم پلاننگ کے ساتھ ملک کے خلاف سازش کر رہے ہیں۔

مزید پڑھیں: آئی ایم ایف سے متعلق شوکت ترین اورپی ٹی آئی رہنماؤں کی مبینہ آڈیو لیک

قرارداد کے متن میں کہا گیا کہ آڈیو کالز کی فوری تحقیقات کی جائیں اور تینوں شخصیات کے خلاف فوری کارروائی عمل میں لائی جائے۔

واضح رہے کہ مبینہ آڈیو کلپ سوشل میڈیا پرلیک ہوا ہے، جس میں سابق وفاقی وزیرخزانہ پاکستان کے بین الاقوامی مالیاتی فنڈ (آئی ایم ایف ) کے ساتھ معاہدے سے متعلق بات کررہے ہیں۔