وزیراعظم شہبازشریف نے سیلاب متاثرین کے لئے 10روپےعطیہ دینے کی اپیل کردی۔

“وزیراعظم فلڈ ریلیف” میں عطیات دینے کے لیے آپ اپنے موبائل فون میں فنڈ لکھ کر9999 پربھیجیں، آپ کے میسج بھیجنے پر10روپے کا عطیہ وزیراعظم ریلیف فنڈ میں جمع ہوجائے گا۔

پاکستان ٹیلی کمیونیکیشن اتھارٹی (پی ٹی اے) کے مطابق تمام موبائل فون آپریٹرز ریلیف فنڈ میں بھیجے گئے عطیات کو نیشنل ڈیزاسٹر مینجمنٹ اتھارٹی (این ڈی ایم اے) کومطلع کریں گے۔

واضح رہے کہ وزیراعظم آفس کے حکم پر پی ٹی اے کی جانب سے نوٹیفکیشن جاری کردیا ہے۔