وزیراعظم شہباز شریف نے ملک میں سیلاب کی صورتحال کے پیش نظراپنا دورہ لندن منسوخ کردیا ہے۔

وزیراعظم کو قطر کے دو روزہ سرکاری دورے کے بعد لندن میں اپنی بیمارپوتی کی عیادت کے لیے جانے تھا۔

انہوں نے سیلاب زدہ علاقوں میں جاری امدادی کارروائیوں کا جائزہ لینے کے لیے واپس اسلام آباد جانے کا فیصلہ کیا، جبکہ پاکستان میں وزیراعظم ایک اجلاس کی صدارت کریں گے۔

اجلاس میں نیشنل ڈیزاسٹر مینجمنٹ اتھارٹی اور دیگر محکموں کے افسران وزیراعظم کو امدادی سرگرمیوں پر بریفنگ دیں گے۔

واضح رہے کہ ملک بھرمیں حالیہ بارشوں اورسیلاب کى تباہ کاريوں کے باعث مزيد 73 افراد جاں بحق ہوگئے جبکہ اموات کى کل تعداد 903 ہوگئی۔