اسلام آباد: پاکستان تحریک انصاف (پی ٹی آئی) نے چیف الیکشن کمشنر کے خلاف ریفرنس سپریم جوڈیشل کمیشن کو بھجوادیا۔

ریفرنس میں کہا گیا کہ چیف الیکشن کمشنر سکندر سلطان راجہ جان بوجھ کر بدانتظامی کررہے ہیں، وہ اپنی آئینی ذمہ داریاں احسن طریقے سے ادا نہیں کررہے، اس لیے چیف الیکشن کمشنر کو ان کے عہدے سے ہٹایا جائے۔

مزید پڑھیں: الیکشن کمیشن نے ممنوعہ فنڈنگ کیس کا فیصلہ سنادیا

ریفرنس میں حکمراں اتحادیوں کی چیف الیکشن کمشنر سے ملاقات کا ذکر بھی کیا گیا ہے، گزشتہ ماہ پی ڈی ایم کے وفد نے چیف الیکشن کمشنر سے ملاقات کی تھی۔

ریفرنس میں کہا گیا ہے کہ چیف الیکشن کمیشن پر فیصلہ جلد سنانے کے لیے دباؤ ڈالا گیا، ملاقات کے چند روز بعد ہی ممنوعہ فنڈنگ کا فیصلہ سنادیا گیا۔