گال:پہلے ٹیسٹ میں سری لنکا کے 342رنزکے ہدف کے تعاقب میں پاکستان کی بیٹنگ جاری ہے، قومی ٹیم نے اب تک ایک وکٹ کے نقصان کے 93رنز بنالئے۔

گال ٹیسٹ کے چوتھے روز میزبان ٹیم نے دوسری اننگز 329رنز 9 کھلاڑی آؤٹ سے آگے بڑھائی اورمجموعی اسکورمیں8رنزکے اضافے کے بعد پوری ٹیم 337 رنزپرسمٹ گئی اور پاکستان کوجیت کیلئے 342 رنزکا ہدف ملا۔

Naseem Shah gets the final wicket to fall ☝️

𝟑𝟒𝟐 is the target for us!#SLvPAK | #BackTheBoysInGreen pic.twitter.com/9GkRsfKl7q

— Pakistan Cricket (@TheRealPCB) July 19, 2022

آخری وکٹ فاسٹ بولر نسیم شاہ نے حاصل کی جبکہ دنیش چندی مل 94 رنز بنا کرناٹ آؤٹ رہے، جنہوں نے 5 چوکے اور 2 چھکے بھی لگائے۔

پاکستان کے محمد نواز نے تباہ کن بولنگ کا مظاہرہ کیا اور 5 وکٹیں حاصل کیں جبکہ یاسر شاہ نے 3، حسن علی اور نسیم شاہ نے ایک ایک کھلاڑی کو آؤٹ کیا۔

ہدف کے تعاقب میں پاکستانی اوپنرزنےعمدہ آغازفراہم کیا، عبداللہ شفیق اورامام الحق نے پہلی وکٹ کی شراکت میں87رنزجوڑے، امام الحق 35 رنز بناکر رمیش مینڈس کا شکار بنے ۔

Fine innings from @imabd28 👏

The opening batter reaches his fifth Test half-century ✨#SLvPAK | #BackTheBoysInGreen pic.twitter.com/xpgLv3iUIi

— Pakistan Cricket (@TheRealPCB) July 19, 2022

342 رنز کے ہدف کے تعاب میں پاکستان کی بیٹنگ جاری ہے ، قومی ٹیم نے اب تک ایک وکٹ کے نقصان پر 93 رنز بنالئے، عبداللہ شفیق 51 اور اظہر علی 4رنز کے ساتھ کریز پر موجود ہیں۔

سری لنکا کی پہلی اننگز

سری لنکن ٹیم پہلی اننگز میں222 رنز بنا کر آؤٹ ہوئی، میزبان ٹیم کی جانب سے دنیش چندی مل نے سب سے زیادہ 76 رنز اسکور کئے۔

اس کے علاوہ اوشاڈا فرنینڈس نے 35، مہیش تھیکشنا نے 38، کوشل مینڈس نے 21 اور ڈی سلوا نے 14 رنز بنائے۔

قومی فاسٹ بولر شاہین شاہ آفریدی 4، یاسر شاہ اور حسن علی نے 2، 2 جبکہ نسیم شاہ اور محمد نواز نے ایک ایک وکٹ حاصل کی۔

پاکستان کی پہلی اننگز

سری لنکا کے 222 رنز کے جواب میں پاکستانی ٹیم مشکلات کا شکار دکھائی دی اور پوری ٹیم 218 رنز بناسکی۔

قومی کپتان بابر اعظم نے تاریخی اننگز کھیلی، انہوں نے 11 چوکوں اور 2 چھکوں کی مدد سے 119 رنز کی شاندار اننگز کھیلی جبکہ بولر نسیم شاہ نے ان کا پورا ساتھ دیا۔

اس کے علاوہ پاکستان کے محمد رضوان 19، یاسر شاہ 18 اور حسن علی 17 رنز کے ساتھ نمایاں رہے۔

سری لنکا کی جانب سے پربت جے سوریا نے 5، مہیش تھیکشنا اور رمیش مینڈس نے 2،2 اور کسن راجیتھا نے ایک وکٹ لی۔