محکمہ موسمیات نے کہا ہے کہ شہریوں کو عیدالاضحیٰ کے موقع پر مزید بارشوں کیلئے تیار رہنا چاہیے، ہفتے کے روز (آج) بادل پھٹنے اور گرج چمک کے ساتھ کئی علاقوں میں سیلابی صورتحال پیدا ہوگئی۔

محکمہ موسمیات کے مطابق “اسلام آباد، بالائی/وسطی پنجاب، خیبر پختونخوا میں گرج چمک کے ساتھ بارش کا امکان ہے۔”

جبکہ زیریں سندھ و ساحلی علاقے، زیریں بلوچستان، بالائی خیبرپختونخوا، بالائی پنجاب اور کشمیر میں موسلادھار بارش کا امکان ہے۔

محکمہ موسمیات نے وضاحت کی ہے کہ بارش کا سسٹم جنوبی حصوں میں داخل ہو رہا ہے اور مون سون کا ایک مضبوط سسٹم بالائی حصوں سے ٹکرا رہا ہے جس سے بارشیں منگل تک جاری رہنے کا امکان ہے۔