لاہور: مسلم لیگ ن کی رہنما عظمیٰ بخاری نے حمزہ شہباز سے متعلق لاہور ہائیکورٹ کے فیصلے کے ردعمل میں کہا ہے کہ اللہ کے ہر فیصلے میں کوئی مصلحت ہوتی ہے، ہم پی ٹی آئی کی طرح فیصلوں پر تنقید نہیں کرتے۔

اپنے بیان میں عظمیٰ بخاری نے کہا کہ اب پی ٹی آئی نے رونا اور بھاگنا نہیں ہے، الیکشن کو روکنے یا سبوتاژ کرنے کی اجازت نہیں دیں گے۔

انہوں نے کہا کہ ہم اتحادیوں اور آزاد امیدواروں کے ساتھ 177 ہیں، اب انہیں رونے اور بھاگنے کی جگہ نہیں ملے گی۔

ان کا کہنا تھا کہ عدالتی فیصلے کو چیلنج کرنے کی ضرورت نہیں، پی ٹی آئی نے ڈپٹی اسپیکر پر جان لیوا حملہ کیا۔