پشاور: بہائی برادری کے لیئے انعقاد کیے گئے فیسٹیول میں تمام مذاہب کے افراد نے بین مذاہب ہم آہنگی کا مظاہرہ کیا۔

محکمہ اوقاف خیبرپختونخوا کی جانب سے بہائی کمیونٹی کے لئے پشاور میں فیسٹیول کا انعقاد کیا گیا جس میں صوبہ بھر سے بہائی برادری کے ساتھ مسلمان، ہندو، سکھ اور مسیحی برادری نے بھی شرکت کی۔

دریں اثنا بہائی کمیونٹی سے تعلق رکھنے والی خواتین نے اقلیتی برادری کی خوشیوں کو منانے لے لئے حکومت کے اس اقدام کو سراہاتے ہوئے کہا کہ تمام مذاہب کی ایک دوسرے کی لئے محبت سے ہی معاشرے میں عدم برداشت کو ختم کیا جا سکتا ہے ۔

تاہم تقریب میں شریک مختلف مذاہب سے تعلق رکھنے والے طلبا نے ایسی تقریبات کے انعقاد کو وقت کی اہم ضرورت قرار دیتے ہوئے اس کے تسلسل پر زور دیا۔