لاہور: پنجاب کے مختلف شہروں میں جمعرات سے تیز ہواؤں اور گرج چمک کے ساتھ بارش کا امکان ہے جبکہ نشیبی علاقے زیر آب آنے کا بھی خطرہ ہے۔

محکمہ موسمیات کے مطابق صوبہ پنجاب کے مختلف شہروں میں 30 جون سے 4 جولائی کے دوران تیز ہواؤں اور گرج چمک کے ساتھ بارشوں کا امکان ہے ۔

پنجاب ڈیزاسٹر مینجمنٹ اتھارٹی کے مطابق پنجاب کے مختلف شہروں میں موسلادھار بارشوں کی وجہ سے نشیبی علاقے زیر آب آنے کا بھی خطرہ ہے، مسافر اور سیاح اس دوران غیر ضروری سفر سے گریز کریں۔

پی ڈی ایم اے نے کسی بھی ہنگامی صورتحال سے نمٹنے کیلئے تمام متعلقہ اداروں کو ہائی الرٹ رہنے کی ہدایت کر دی۔