پشاور: خیبرپختونخوا کے مختلف علاقوں میں زلزلے کے جھٹکے محسوس کئے گئے ہیں، جس کی شدت 5.2 ریکارڈ کی گئی۔

خیبرپختونخوا میں سوات، دیر بالا اور لوئر دیر میں زلزلے کے جھٹکے محسوس کئے گئے، جس کے باعث لوگوں میں خوف و ہراس پھیل گیا اور لوگ کلمہ طیبہ کا ورد کرتے ہوئے گھروں سے باہر نکل آئے۔

محکمہ زلزلہ پیما کے مطابق ،ریکٹر اسکیل پر زلزلے کی شدت 5.2 ریکارڈ کی گئی ، زلزلے کا مرکز کوہ ہندوکش تھا ، زلزلہ 204 کلومیٹر زیر زمین محسوس کیا گیا۔